Flash News

Vrasja e Martin Çeços/ Apeli rrëzon dënimet për autorët, kthen për rigjykim çështjen

Aksident te "Rruga e Durrësit" në Tiranë, përplasen 3 makina

Ish-kreu i degës së PD-së në Vlorë zgjidhet në krye të Kadastrës

The Guardian/ Sazani që u pushtua pa qëlluar as edhe një plumb, me një “Wow” të Ivanka Trump

SPAK merr të pandehur kreun e Komisionit të Prokurimeve

E-TJERA

Operacion tjetër në Abu Dabi, kapet një nga bashkëpunëtorët e Dritan Gjikës

Politiko 23 Qershor 2025, 19:19

Operacion tjetër në Abu Dabi, kapet një nga

Një operacion policor mes Policisë Spanjolle, Europol, Interpol dhe autoriteteve të Emirateve të Bashkuara Arabe ka çuar në arrestimin e një prej liderëve kryesorë të trafikut ndërkombëtar të drogës. 

Sipas asaj që shkruajnë mediat e huaja bëhet fjalë për një prej bashkëpunëtorëve të Dritan Gjikës, i cili gjithashtu u arrestua pak javë më parë në Abu Dabi për trafik droge dhe pastrim parash.

Mësohet se bashkëpunëtori i Gjikës, identiteti i të cilit ende nuk bëhet me dije, koordinonte personalisht kontaktet me furnizuesit e kokainës, si dhe transportin, magazinimin, nxjerrjen dhe shpërndarjen e lëndës narkotike në Evropë përmes një rrjeti që vepronte nga Ekuadori.

Ai kishte një kontratë me furnizues kolumbianë për të marrë 4000 kilogramë kokainë në muaj të destinuara për tregun evropian.

Gjatë operacionit “Pampa”, në të cilin morën pjesë 800 agjentë, u arrestuan 40 persona në Spanjë dhe Ekuador, dhe u kryen 62 kontrolle që çuan në sekuestrimin e mbi 500,000 eurove dhe 2,370,000 dollarëve në para të gatshme, armë lufte dhe 12 makina luksoze. Ky operacion ishte i lidhur drejtpërdrejt me hetimet që përfshinin rrjetin e Dritan Gjikës.

Organizata përdorte një rrjet të gjerë portesh evropiane për të futur drogën, mes tyre Amber, Roterdam, Algeciras, Hamburg, Shën Petersburg, Durrës, Gioia Tauro dhe Konstancë, ku ata kishin bashkëpunëtorë kryesisht të lidhur me mafian shqiptare.

Gjykata Qendrore e Hetimit numër 1 ka kërkuar ekstradimin e tij për t’u gjykuar në Gjykatën Kombëtare. Ai do të ekstradohet në Spanjë për t’u gjykuar së bashku me anëtarët e tjerë të organizatës.

Të fundit

OSZAR »