Flash News

Berisha uron Trump për pavarësinë e SHBA-ve: Kremtim që vjen pas fitores mbi regjimin e Ajatollave

Trafikonin armë nga Kosova drejt Shqipërisë, dy të arrestuar, sekuestrohen 8 pistoleta

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

E-TJERA

Nga shkolla e letërsisë te intervista me Mbretëreshën Geraldinë, Blendi Fevziu rrëfen për jetën në “Elevate”

Politiko 3 Korrik 2025, 19:35

Nga shkolla e letërsisë te intervista me Mbretëreshën

Në një rrëfim për emisionin “Elevate by Floriana Garo”, gazetari Blendi Fevziu, ka treguar historinë e jetës së tij, që nga periudha e përfundimit të fakultetit për letërsi, zgjedhjet që i është dashur të bëjë në jetë e deri te sukseset dhe profesioni i gazetarit.

Fevziu ka treguar se ka përfunduar studimet për letërsi dhe rrugëtimi drejt gazetarisë ka qënë krejt rastësor për të.

"Unë kam mbaruar letërsi dhe jo gazetari, sepse gazetaria nuk ekzistonte në Shqipërinë komuniste. Unë në atë kohë mendoja se letërsia do ishte jeta ime dhe e ardhmja ime, nuk e mendoja fare pjesën e gazetarisë. Në vitin 1989 kur isha student më thirri kryeredaktori i gazetës "Studenti" dhe më tha pse nuk më ndihmon me gazetën në mënyrë vullnetare dhe kështi nisi',- u shpreh Fevziu, duke e cilësuar vendimin për tu futur në gazetari krejt të rastësishëm.

Më tej Fevziu foli për etapat e rëndësishme që kanë lënë shenjë në jetën e tij profesionale, ndërsa ndau për herë të parë detaje nga intervista me Mbretëreshën Geraldinë në maj të vitit 1999 dhe ‘porosia’ që ajo i la atij për t’u rikthyer në Shqipëri.

“Kjo ishte intervista e parë e Mbretëreshës Geraldinë për një media shqiptare. Ajo dha një intervistë, ku unë u mundova t’i merrja sa më shumë dhe ajo mundohej të jepte sa më shumë, por mushkëritë e saj se linin. Ne e ndërprisnim intervistën, ajo vendoste aparatin e frymëmarrjes, merrte 15 minuta oksigjen sa stabilizonte frymëmarrjen dhe bënin 5-6 minuta intervistë. Pastaj vendoste prapë aparatin. Dhe unë u mundova t’i marr sa më shumë, rreth 40 minuta intervistë. Në përfundim të intervistës, ajo më kapi dorën e më tha: ‘Ti ke ndikim në Shqipëri. Të lutem bëj ç’është e mundur se unë dua të vdes në Shqipëri. E ndjej që më ka ardhur vdekja dhe dua të vdes në Shqipëri”, tha Fevziu.

Po ashtu, Fevziu tregon se kur intervista u transmetua, një grup deputetësh me influencë në atë periudhë morën një nisëm për ta lejuar familjen mbretërore të rikthehej në Shqipëri.

“Të nesërmen, dita pas transmetimit të intervistës së Mbretëreshës Geraldinë, një grup deputetësh morën një nisëm për ta lejuar familjen mbretërore të rikthehej në Shqipëri. U deshën tre vjet që kjo të ndodhte. Në qershor të 2002, Geraldina u kthye në Shqipëri.Mbretëresha Geraldinë mbërriti në aeroport, u vendos në një limunzinë të bardhë dhe mbi 5 mijë veta brohorisnin në të dyja anët e rrugës “Geraldina! Geraldina!”. Ajo ishte e sëmurë, por arriti të ngrihej në këmbë dhe të rri mbi dritaren e limuzinës, u fut në shtëpinë e saj dhe nuk doli më kurrë. Ama ëndrra për të vdekur në Shqipëri iu realizua”, u shpreh Fevziu.

Teksa ka dhënë disa detaje shtesë mbi profesionin e gazetarit dhe jetën, Fevziu është shprehur se ka pasur oferta befasuese në lidhje me punën por ka zgjedhur të bëjë profesionin aktual duke e cilësuar këtë të fundit si sfidues por dhe shumë motivues njëkohësisht.

Intervista e plotë: