Flash News

Bëri një gjilpërë tek ambulance e lagjes, humb jetën e moshuara në Lushnjë

Pas Tiranës, KAS vendos edhe hapjen e kutive të votimit në Dibër

Saga e vrasjeve, Alibej: Nisi pasi dhashë vendndodhjen e Talo Çelës

Ndeshja Shqipëri-Serbi/ Tirana në “blindim total”: 2000 efektivë policie, kontrolle antidronë dhe kufizime të trafikut

Etel Haxhiaj sfidon policinë amerikane gjatë arrestimit të një emigranti, akuzohet për sulm

E-TJERA

Karantinohet një fermë në Postribë të Shkodrës, bagëtitë e imëta të infektuara

Politiko 3 Qershor 2025, 14:21

Karantinohet një fermë në Postribë të Shkodrës,

Një fermë në fshatin Domen të njësisë administrative Postribë është vendosur në karantinë pas shpërthimit të një sëmundjeje të panjohur që ka prekur bagëtitë e imëta, kryesisht dhitë.

Zamir Milani, pronari i fermës, shprehet i shqetësuar se ka humbur tre krerë dhish, ndërsa një fermer tjetër në zonë ka raportuar ngordhjen e gjashtë të tjerave. Milani thotë se ka të dhëna se sëmundja është përhapur edhe tek delet, por sipas tij shumë fermerë ngurojnë të flasin, për shkak të frikës se mund të ndikojë tek shitja e bagëtive për Kurban Bajram.

“Kam investuar 600 mijë lekë për të ngritur fermën dhe kam shpenzuar mbi 40 mijë lekë për ilaçe, por pa rezultat. Nuk kemi marrë ende një përgjigje për atë që po ndodh,” u shpreh ai.

Në fermë kanë mbërritur inspektorët e Drejtorisë Rajonale të Veterinarisë, të cilët kanë vendosur karantinimin e saj deri në sqarimin e situatës. Inspektori Muhamet Bisho bëri të ditur se janë marrë mostra dhe analizat do të dërgohen urgjentisht në Institutin e Referencës Veterinare në Tiranë, pasi nuk dihet ende saktësisht çfarë sëmundje ka prekur kafshët.

Ndërkohë, lëvizja dhe tregtimi i bagëtive në zonën e Shkodrës vijon të mbetet një shqetësim i madh për vetë fermerët. Shumë prej tyre theksojnë se nuk kanë alternativa të tjera për të siguruar të ardhura, ndërsa mungesa e matrikullimit të kafshëve shton rrezikun e përhapjes së sëmundjeve.

Autoritetet veterinare kanë bërë thirrje për kujdes të shtuar dhe për ndalimin e lëvizjes së kafshëve deri në daljen e rezultateve të analizave.

Të fundit

OSZAR »