Flash News

KAS vendos rinumërimin e plotë të votave në Fier

Vrasja e Edmond Papës, Gjykata e Tiranës dënon me 55 vite burg autorin dhe bashkëpunëtorin

Sot seanca në Apelin e GJKKO, Veliaj kërkon lirimin nga burgu

Zbulohet skema mashtruese online, AKSK apel qytetarëve: Si duhet të mbroheni

Imami Ahmed Kalaja rrezikon deri në 3 vite burgim, akuzohet për pengim të drejtësisë

E-TJERA

“Kam bërë vetë hetuesin, prokurorin dhe gjyqtarin”/ Alibej në GJKKO: Ja si i kontrolloja lëvizjet e rivalëve me sistemin TIMS

Politiko 5 Qershor 2025, 12:09

“Kam bërë vetë hetuesin, prokurorin dhe gjyqtarin”/

Vijon dëshmia tronditëse e të penduarit të drejtësisë, Erion Alibej, në Gjykatën e Posaçme për Krimin e Organizuar (GJKKO), në kuadër të dosjes së bujshme “Plumbi i Artë”. Në seancën e fundit, Alibej rrëfeu me detaje se si kishte ndërtuar një rrjet të gjerë informatorësh dhe kishte përfituar qasje në sisteme shtetërore si TIMS, për të mbikëqyrur dhe kontrolluar lëvizjet e rivalëve të tij në botën e krimit.

“Po kërkoja ekzekutorët e familjarëve të mi. Kam bërë vetë hetuesin, prokurorin dhe gjyqtarin. Çdo informacion që kam pasur, ia kam vënë në dispozicion drejtësisë”, deklaroi Alibej përpara togave të zeza.

Sipas dëshmisë së tij, Ardian Çollaku ka qenë burimi më i besuar i informacionit. “Ai më tregoi se vëllai i tij kishte grabitur një kambist në lagjen Kala. Më pas, më zbuloi edhe kush ishte Dashnor Dumani”, tha Alibej.

I penduari i drejtësisë pretendon se kishte akses në sistemin TIMS dhe e përdorte për të ndjekur hyrje-daljet e personave që konsideronte të rrezikshëm. “Kisha të dhëna për të gjithë: nga Çopjat, te Qosja, tek Dumani. Kisha hyrje-dalje, foto, çdo lëvizje të tyre”, u shpreh ai, duke theksuar se kishte humbur besimin tek institucionet e drejtësisë në Elbasan.

Një tjetër moment i rëndësishëm i dëshmisë së tij lidhet me një takim të dyshimtë që ai përmendi mes ish-drejtorit të Përgjithshëm të Policisë së Shtetit, Ardi Veliu, Tonin Vocajt dhe Abedin Mamës në Elbasan. Takimi, sipas Alibejt, përkoi me ndërrimet në drejtimin e Policisë, duke ngritur dyshime për ndërhyrje të paligjshme në zinxhirin komandues.

Pas vetëdorëzimit, Alibej tha se personi i parë që kishte informuar ishte kreu i Prokurorisë së Elbasanit, Leonard Palushi. Më pas, në paraburgim, ai u takua edhe me prokurorin Ridvan Suka, që po hetonte vrasjet e familjarëve të tij dhe çështjen e Xhoni Rustës. “I tregova gjithçka që dija. Nuk doja më luftë, sepse pas meje qëndronin shumë familje që më kishin si shpresë të vetme”, përfundoi ai.

Të fundit

OSZAR »