Flash News

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

Alarmi i zjarreve në vend, 6 vatra ende aktive, si paraqitet situata deri tani

E-TJERA

Reportazhi/ Shqipëria, një ndalesë për kokainën dhe rrjetin e fuqishëm të trafikimit!

Politiko 26 Qershor 2025, 19:54

Reportazhi/ Shqipëria, një ndalesë për kokainën dhe

Foto ilustruese

Media franceze, Radio France i ka kushtuar së fundmi një artikull Shqipërisë, të cilën e ka cilësuar si një vend ndalesë për kokainën dhe rrjetin e fuqishëm të trafikimit, duke sjellë në vëmendje kalimin e drogës përmes Portit të Durrësit dhe ndërtimin e kullave në Tiranë.

Në një reportazh nga gazetari Louis Seiller theksohet se si shfrytëzohet Porti i Durrësit për të kaluar drogë drejt Europës përmes konteinerëve me banane.

Sipas tij pasi mbërrin në portin e Durrësit, kokaina zakonisht ngarkohet sërish në tragete për në Itali, përtej detit Adriatik, por shpesh transportohet edhe me rrugë drejt Kosovës, Serbisë dhe autostradave që të çojnë në Evropën Qendrore.

Gjithashtu gazetari vë në pah edhe ndërtimin e kullave që kanë rrethuar kryeqytetin. Seiller shprehet se edhe pse Shqipëria renditet si një ndër vendet me ekonomi më të dobët, ka ndërtuar dhjetëra rrokaqiej në kryeqytet të cilët ngrenë dyshime për pastrim parash.

Reportazhi nga Louis Seiller, Radio France Internationale

Rreth rrethrrotullimit që shënon hyrjen e portit, ka disa dyqane të vogla dhe kafene të mbushura me njerëz që punojnë aty pranë. Aty takoj Agronin, rreth të gjashtëdhjetave. Ky pensionist nga Durrësi kalon çdo ditë para kontejnerëve. Bananet vijnë nga Ekuadori. Hyjnë në Shqipëri dhe më pas nisen drejt Kosovës dhe më tej, në Evropë. Si kudo, autoritetet luftojnë kundër trafikut të drogës. Në port, ata monitorojnë me kamera, skanerë dhe pajisje të tjera. Dhe kur gjejnë drogë, bëjnë sekuestrime. Por kanë pak frikë, sepse nuk është e lehtë të luftosh kundër trafikantëve. Duhet shumë guxim.

Pasi mbërrin në portin e Durrësit, kokaina zakonisht ngarkohet sërish në tragete për në Itali, përtej detit Adriatik. Por shpesh transportohet edhe me rrugë drejt Kosovës, Serbisë dhe autostradave që të çojnë në Evropën Qendrore.

Fatjona Mejdini është koordinatore rajonale e Iniciativës Globale kundër Krimit të Organizuar Transnacional. Sipas saj, rrjetet ballkanike janë bërë aktorë kryesorë në trafikun ndërkombëtar të kokainës. Këto grupe përpiqen të dërgojnë kokainë në portet e Ballkanit, si Durrësi. Por sipas studimeve të tyre, sasitë janë më të vogla se ato që shkojnë në portet e Evropës Perëndimore, sepse atje është shumë më vështirë të zbulohet droga për shkak të volumit të madh të mallrave dhe afërsisë me tregun e konsumatorëve të kokainës.

Në Beograd dhe Tiranë, ndërtimet e godinave luksoze janë shtuar vitet e fundit. Kulla moderne si në Dubai, ndonëse Shqipëria deri vonë ishte një nga ekonomitë më të varfra në Evropë. Për shumë shqiptarë, nuk ka dyshim që këto projekte financohen nga paraja e kokainës.

Ish-ministri i ekonomisë, Zef Preçi, thotë se shumë prej këtyre kullave ndërtohen nga kompani me kapital fillestar shumë të ulët, disa qindra mijëra euro, ndërkohë që investimet shkojnë në qindra milionë. Pas këtyre ndërtimeve, qëndrojnë "peshq të mëdhenj" që pastrojnë paratë e trafikut të drogës, veçanërisht kokainës që vjen nga Amerika Latine.

Të luftosh më shumë kundër krimit të organizuar është një nga kushtet që i është vendosur Shqipërisë për t’u anëtarësuar në BE. Në vitin 2021, rreth dy tonë e gjysmë kokainë u sekuestruan në Shqipëri, Kosovë dhe Mal të Zi.