Flash News

Dokumenti/ Benet Beci u mor i pandehur nga SPAK para zgjedhjeve

Maturanti 74-vjeçar merr diplomën e maturës, ja nota që mori në provimin e anglishtes

Federata Serbe zbulon stadiumin ku do të presë Shqipërinë më 11 tetor!

I mbijetoi tragjedisë ajrore, 40-vjeçari: Kur hapa sytë pashë trupa njerëzish gjithandej, më pas…

Matura Shtetërore 2025, publikohen notat e provimit të gjuhës së huaj

E-TJERA

Plehrat e Ishmit pushtojnë Kepin e Rodonit, Zona e (pa)Mbrojtur nuk mirëmbahet, rruga e shkatërruar

Politiko 29 Maj 2025, 21:23

Plehrat e Ishmit pushtojnë Kepin e Rodonit, Zona e (pa)Mbrojtur nuk

Por, përveç bregut të stërmadh në Deltën e Ishmit, plehrat kanë “pushtuar” edhe Kepin e Rodonit. Kamera e Fiksit filmoi bregdetin brenda zonës që menaxhohet nga Kisha Françeskane, ku bidonët plastikë gjenden lehtësisht në vijë të madhe detare.

Madje, plehrat janë pastruar edhe me dhjetëra herë nga punonjësit e Kishës Françeskane, teksa asnjë institucion qendror dhe lokal nuk ka shkuar për t’i pastruar. Fiksi bisedoi me disa punonjës, të cilët thanë se mbetjet vijnë kudo dhe i sjell Ishmi. “I kemi pastruar ne, por asnjë institucion shtetëror nuk ka ardhur. S’kam parë njeri që t’i pastrojë” thotë punëtori.

Brenda Kepit të Rodonit janë dy monumente Kulture, Kisha dhe Kalaja e Skëndërbeut, të cilat duhet të mirëmbahen nga Ministria e Kulturës. Por, as ministria dhe as bashkia e Durrësit apo Njësia Administrative Ishëm nuk ka marrë asnjë masë.

Përveç plehrave, rruga që të çon në zonat e mbrojtura, ku është Kalaja apo maja e Kepit të Rodonit, është tejet e amortizuar. Megjithëse janë shpenzuar miliona euro për ta bërë, ribërë e mirëmbajtur, sërish gjendja është e prishur.

Fiksi e ka ndjekur këtë problematikë edhe në vitin 2024, teksa ishin akorduar miliona euro por gjendja ishte tejet problematike. Në atë kohë ndërhyri Bashkia e Durrësit, riparoi vetëm disa gropa por ato janë rihapur akoma më të mëdha dhe askush s’ka vënë dorë.

Një punëtor pohon se pushteti lokal vetëm sa e ka mirëmbajtur sporadikisht, por gjendja sa vjen e rëndohet. Ai thotë se punimet e komplekseve që po bëhen e kanë shkatërruar plotësisht.

“Këtu vijnë turistë nga e gjithë bota, Brazili e Argjentina e Largët. Të gjithë ankohen për rrugën. Vijnë nga të gjitha kontinentet dhe është turp se ku kalojnë. Njëri nga Franca çau dhe sadokartin, ja duken shenjat e vajit. Mezi e ka marrë makinën” thotë punëtori.

Kamera e Fiks Fare filmoi që në buzë rrugës, nga fshati Shetaj drejt Kepit të Rodonit, janë hedhur me tonelata me dhera. Mjete të rënda punojnë papushim, teksa përveçse kanë prishur rrugën, i hedhin dherat kuturu. Por, çuditërisht askush s’i shikon! As policia, njësia vendore e pushtetit lokal apo edhe ata të qeverisë qendrore.

Fiksi bisedon me ekspertin e mjedisit Lavdosh Feruni, i cili thotë se gjendja është alarmante në deltat e lumenjve. Sipas tij, duhet një projekt i gjerë, ndërgjegjësim deri në burim mos të kemi këtë lloj masakre.

Feruni thotë se nismat e qeverisë dhe bashkive për plehrat janë problem kudo, dhe këtu s’mund të bënte përjashtim as lumenjtë. Krahas plastikës dhe mbetjeve spitalore, Feruni thotë se në lumenj hidhen edhe mbetje të renda nga fabrikat dhe ato janë më të rrezikshme, pasi me ujin e lumit vaditet dhe mbetjet na kthehen në tryezë. Sipas tij, me këtë lloj ndotje është shumë e vështirë kthimi i gjendjes fillestare./TCH